মুখ্য পৃষ্ঠা
06/04/25
15:44
কনকলতা-তুমি উভতি আহা
_________________________
কনকলতা ,তুমি উভতি আহা !
স্বাধীনতা বিচাৰি হাতত পতকা তুলি ল'লা !
তাঁতৰ শালত গামোচাত ফুল তুলিবলৈ ,
তুমি এৰি থৈ আহিলা !
নিষ্ঠুৰ দানৱৰ বাৰুদৰ গুলীত গাভৰু দেহ এৰিলা !
তোমাৰ স্বাধীন দেশৰ ৰাজপথত আজি ,
অসহায় মানৱৰ কেঁচা তেজৰ দাগ দেখিবা !
তোমাৰ বেজাৰতে আজিও গহপুৰত ,
বেদনাৰ ৰোল শুনিবা !
তুমি আজি উভতি আহা ,
স্বাধীন দেশৰ পৰাধীন পথেৰে !
যি পথত নিশাৰ অন্ধকাৰত উচুপে ,
তোমাৰ দেশৰ ধৰ্ষিতা গাভৰু জনীয়ে !
তুমি স্বাধীন কৰা ধৰ্ষিতা গাভৰু
জনীক ,
স্বাধীন কৰা পবিত্ৰ অসম ভূমিক !
স্বাধীন কৰা কৃষকক ,
স্বাধীন কৰা তোমাৰ দেশৰ অসহায়
জনগনক !
তুমি উভতা আহা কনকলতা ,
হাতত স্বাধীনতাৰ পতকা তুলি লোৱা !
© ৰাজু কলিতা
27/09/14
